الرئيس السيسي: «محتاجين 2 تريليون دولار في السنة عشان نصرف كويس»
قال الرئيس عبدالفتاح السيسي، إن مصر تحتاج نحو 2 تريليون دولار سنويا لتحقيق كافة مطالبها.
وتابع الرئيس السيسي خلال كلمته بالمؤتمر الوطني للشباب في الإسكندرية: قائلا: "عشان نصرف كويس محتاجين الرقم ده، هل الدولة المصرية عندها فلوس تعمل تعليم لـ25 مليون شخص، تريد 250 مليار دولار هتجيبهم منين الأرقام الطلوبة مش موجودة".
وأضاف الرئيس السيسي : "ازاى هتعمل استحقاق دستوري في التعليم، عايزين استحقاق دستوري للصحة هو انا معايا فلوس لكل الكلام ده".
أن الدولة تنتهج سعر صرف مرن، مضيفا: “الدولة مش هتطلع قدام إلا بتحطيم الفجوة الدولارية، إنقاذ الوطن ضرورة حتمية في مرحلة ما لمنع انهيار الدولة”.
أضاف الرئيس السيسي: “ أنا ما بخافش ولو كنت خفت كانت البلد هتبقى في دمار وخراب”.
أمن مصر والشعب المصري
وقال الرئيس عبدالفتاح السيسي: "لازم نقلل فاتورة استيرادنا بالدولار ونزود الصادرات بالدولار، الدولة دي مش بتاعتي ولا بتاعت الحكومة دي بتاعتنا كلنا ولازم ننجحها ..عندما يكون تأثير سعر الصرف على حياة المصريين ممكن يضيعهم ما نقعدش في مكانا.. سعر الصرف لدينا مرن، عندما يتعرض الموضوع لأمن مصر والشعب المصري يضيع فيها لا لا ، الدولة مش هتطلع قدام إلا بتحطيم الفجوة الدولارية".
وأشاد الرئيس عبدالفتاح السيسي، بجلسات الحوار الوطني قائلا: "بقول إن كتير من الجلسات شوفت الكلام الجميل اللى كان بيتقال من الدكتور "على" لما كان ماسك المحور السياسى وإزاى كان بيتكلم".
وتابع: " محدش مننا يقدر يقول ان أنا بس أمتلك مصلحة الوطن .. لأ مينفعش .. كلنا نمتلك بلدنا ومسؤولين عنها ..محدش يقدر يتهم حد بالخيانة والعمالة ولا الجهل ، لكن ممكن نقول يعني محتاجين ننظم ده..الحوار كحالة محتاجين انها تستمر".
قال الرئيس السيسي : “المخرجات اللى هتوصلولها سواء السياسي او الاقتصادي او المجتمعي ..اللى داخل صلاحياتي طبقا للدستور والقانون هصدق عليها طالما انها داخل إطار الدستور والقانون”.
دون قيد
وتابع الرئيس السيسي :" طيب اللى مش داخل صلاحياتي؟.. على البرلمان تروح ..البرلمان يتحرك فيها .. لكن كل ما يدخل في صلاحيات الرئيس والدولة كحكومة ان احنا نتحرك فيها .. قرارات همضى عليها دون قيد أو شرط ".
وشهد الرئيس عبد الفتاح السيسي اليوم الأربعاء، جلسة حوارية ضمن فعاليات المؤتمر الوطني للشباب المنعقد بمحافظة الإسكندرية.
وعرض المؤتمر الوطني للشباب بالإسكندرية، أمام الرئيس عبد الفتاح السيسي، فيلما تسجيليا بعنوان "المشوار"، والذي تم تنفيذه من خلال مؤسسة حياة كريمة ومجموعة من الشباب المبدعين.
ويُعد المؤتمر ملتقى للحوار المباشر بين الدولة المصرية ومؤسساتها المختلفة والشباب المصري الواعد الذي يطمح في مستقبل أفضل لوطنه من خلال رؤية وطنية وتخطيط علمي وحوار بناء.
ويشارك في المؤتمر عدد كبير من الشباب؛ يمثلون كافة شرائح وقطاعات الشباب المصري من شباب الجامعات والرياضيين والمثقفين والإعلاميين وشباب الأحزاب وعدد من أعضاء مجلس النواب.
وقال الرئيس عبد الفتاح السيسي، إن هناك 400 ألف وحدة سكنية غير صالحة بالإسكندرية والإسكان البديل لهم يكلف 150 مليار جنيه.
أضاف الرئيس السيسي خلال كلمته بالمؤتمر الوطني للشباب في الإسكندرية: قوائم الانتظار تساهم في تدريب الأطباء من خلال حجم العمل المتزايد ، خلال 4 سنين حجم قوائم الانتظار شمل 2 مليون حالة.
وتابع الرئيس عبد الفتاح السيسي، إن ميناء أبو قير، فى الإسكندرية، يضم أكثر من 10 كيلومترات أرصفة، منها رصيف على عمق 22 مترا، لا يوجد مثله في العالم إلا في إسبانيا.
وتحدث الرئيس عبد الفتاح السيسي، عن أبرز المعوقات التي واجهت الدولة في تطوير محور المحمودية، خلال فعاليات المؤتمر الوطني للشباب، بحضور الدكتور مصطفى مدبولي رئيس الوزراء بمحافظة الإسكندرية.
وقال الرئيس السيسي :" الناس هاجمتنا بسبب هدم المساجد على محور المحمودية ، إحنا شيلناها عشان نبنيها صح.. الأكل غالي .. بس بناء الدولة ومعالجة تاريخ طويل كان له أهمية.. أسيب الناس مرمية في الشوارع والأكل موجود؟ .. ولا اشيل الناس واسكنهم في بشاير الخير والدنيا تبقى عالية شوية".
وتابع الرئيس السيسي :"الناس بتقول البلد بتحب الطرق.. لا البلد حاجة تانية خالص ، بقالنا 3 سنين بنعمل 55 كيلو في محور المحمودية ، ما يخدوش 5 أشهور في منطقة فاضية، إحنا شيلنا كل العشوائيات على المحور وعوضنا الناس، بناء الدول وإصلاحها أمر ليس باليسير، صحيح الأكل غالي لكننا بنبني دولة صح وماشيين كويس".
وشهد الرئيس عبد الفتاح السيسي افتتاح عددا من المشروعات القومية في محافظتي البحيرة والإسكندرية، شملت مستشفى كوم حمادة ووحدة زرع النخاع، ومشروع نفق وكباري السادات للسارات والمشاة بالإسكندرية.
