خالد الجندي: «بناء مصنع أسمدة أهم بكثير من بناء 20 ألف مسجد»
قال الشيخ خالد الجندي، عضو المجلس الأعلى للشئون الإسلامية، إن بناء مصنع أسمدة أزوتية أهم بكثير من بناء 20 ألف مسجد.
وتابع خالد الجندي، خلال حلقة برنامج لعلهم يفقهون، المذاع على فضائية dmc، اليوم الأربعاء: "شوف الكلام مصلحة الإنسان مقدمة على الدين والشرع نفسه، بدليل أن ربنا لو فى حاجة لمصلحة الإنسان بيقدمها على الشرع نفسه، ربنا فى الحج ربنا بيقولك ليشهدوا منافع لهم ويذكروا اسم الله"، مستشهدا بقول الله سبحانه وتعالى: وأذن في الناس بالحج يأتوك رجالا وعلى كل ضامر يأتين من كل فج عميق ( 27 ) ليشهدوا منافع لهم ويذكروا اسم الله في أيام معلومات على ما رزقهم من بهيمة الأنعام فكلوا منها وأطعموا البائس الفقير ( 28 )".
وتابع خالد الجندي حديثه، : "لما نقول بناء مصانع يبقى أهم بكثير من بناء ٢٠ الف مسجد، ليه يعنى المصنع هو اللى بيطلع لك العيش والمكرونة، مين يجهز الطعام، للناس اللى بتخلف بالخمس بطون دون وعى وإدراك، المصانع هتفتح بيوت وأراضي هتستصلح، احنا مرينا بكل الأزمات العالمية وحتى الآن بفضل الله، مفيش أزمات جوع، مصلحة البلد أهم من الحديث عن فتاوى الجناب والنفاس".
