زيزو بعد وداع الزمالك لكأس مصر: «عمري ما عرفت أهرب ولا أستخبى»
علق أحمد سيد زيزو نجم الفريق الأول لكرة القدم بنادي الزمالك على خسارة الأبيض أمام بيراميدز في نصف نهائي كأس مصر التي أقيمت أمس الاثنين، على ملعب استاد القاهرة الدولي.
وكتب زيزو - عبر حسابه الشخصي على موقع التواصل الاجتماعي "تويتر" -: «أولًا الحمد لله وقدر الله ما شاء فعل، زي ما بتبقى مبسوط بالدعم والحب والمساندة لازم كمان تتقبل الوجه الآخر السيئ وهي دي ضريبة الحياة والمسئولية، تقدر تخليك فى يوم أحسن واحد فالدنيا وتقدر تخلي الناس تنسي كل حاجة أنت ممكن تكون عملتها».
وأضاف: «عشان كده واجب عليا فالمواقف والظروف دي أني أعتذر، عمري ما عرفت أهرب ولا أستخبي من أي حاجة ولا عمري هعمل كده، تقبل أو ترفض دا من حقك ولكن كان واجب عليا تقديم الاعتذار زي ما دايما بقدم الشكر على الحب».
وتابع: "قادر أتحمل المسئولية كاملة وقادر كمان أعديها، لكن خليكوا في ضهر ناديكم ولاعبيكم، لأن في المواقف الصعبة بتبان فعلًا معادن الرجال، شكرًا".
