الرئيس السيسي: «نسير بشكل صحيح رغم الأزمة العالمية»
أكد الرئيس عبدالفتاح السيسي، أن الدولة المصرية تسير بشكل صحيح، رغم الأزمة الاقتصادية التي تؤثر على دول العالم أجمع، بسبب الحرب الروسية الأوكرانية.
ووجه الرئيس السيسي حديثه للشعب المصري، في كلمته داخل كاتدرائية ميلاد المسيح، في العاصمة الإدارية الجديدة، بمناسبة عيد الميلاد المجيد: “متخفوش بسبب أن ربنا موجود، مش هيسبنا، الكلام ده مهم أوي لأن شايف وسامع أن الناس قلقانة، وأنا سعيد بخوفك على مصر”.
وأضاف: “الأزمة الكبيرة دي تأثيراتها ضخمة والدنيا هتبقى بعد الأزمة هتكون مختلفة عن ما كانت عليه قبل الأزمة، والأزمة الاقتصادية هتأثر في دول كتير لو استمرت الحرب السنة دي أو أكثر”.
وأوضح الرئيس السيسي: “أحنا ماشيين كويس، وإن كنا نعاني، لكن منخفش ولا نقلق، وبقول من فضلكم هتلقوا ناس بتتكلم كلام كتير، أقل حاجة عنهم أنهم ميعرفوش، بيقولوا هيبيعوا قناة السويس مثلًا، طب أن مش هقول ليه؟! لو في حاجة الدولة هتعملها هنعلنها للناس”.
واختتم حديثه: “مصر لو تعبت هنتخلى عنها؟! عام سعيد وكل سنة وأنتم طيبين وربنا يحفظكم، ودعواتكم الطيبة لمصر”.
