داليا مصطفى: «أجري مش بيحصل أجر المدرس اللي بيأخد 750 ألف جنيه في المراجعة»
كشفت الفنانة داليا مصطفى، عن تجربتها حول المغالاة في أسعار الدروس الخصوصية ومعاناة أولياء الأمور.
وقالت داليا مصطفى - في لقائها ببرنامج "يحدث في مصر"، المذاع عبر فضائية "ام بي سي مصر"، أمس الخميس - إنها اكتشفت عبر أحد التطبيقات عن طريق الانترنت، يؤكد أنه هناك أسعار حصص بعض الدروس الخصوصية تصل إلى 900 جنيه في الحصة الواحدة التي مدتها هي ساعة واحدة.
وأكدت أنها ليست مهتمة بتقنين مراكز الدروس الخصوصية أكثر من حجم التكلفة في الحصة الواحدة للمادة، متابعة: "ليه مدرسي الدروس الخصوصية مبيدفعوش ضرائب لازم يدخلوا تحت مظلة الحكومة".
وأكملت: "واحدة من ملاك سناتر الدروس الخصوصية كلمتني وقالتلي أنا سمعت موضوعك وطلبت من إن ابني يروحلها، والمدرس اللي بيدرس الفيزياء لابني مهندس".
وأضافت: "أحد المدرسين يحصل على 750 ألف جنيه في المراجعة النهائية لأحد المواد خلال ساعتين، إحنا كفنانين مش بناخد 750 ألف جنيه في الساعة"، مضيفًا: "ناس كتير هاجمتني وكتير من زمايلي قالولي أنتي بتدخلي ليه وبتتكلمي ليه، بعد ما اشتكيت من ارتفاع أسعار الدروس الخصوصية".
واستطردت: " الناس كان بيقعدوا للفنانين زمان على الواحدة، والفنانين دلوقتي بقوا مستباحين بشكل مبالغ فيه جدًا وأنا ضد إني اقول رأيي في أي حاجة تخص القانون"، متابعة: "مش كل الفنانين أجورهم عالية وأنا مالي إذا كان فنان بيأخد رقم قياسي، أنا عن نفسي بأخد أقل من أجري من 7 سنين فاتوا".
