موجة من الجدل بسبب تصريحات مثيرة لشريف مدكور حول الحجاب
تحول الإعلامي شريف مدكور إلى حديث السوشيال ميديا في الساعات الماضية، بعد أن صعد إلى قمة الترند عقب تصريحاته المثيرة للجدل عبر صفحته الشخصية على موقع التواصل الاجتماعي فيسبوك حول الحجاب.
ونشر الإعلامي شريف مدكور، مقطعا ، تحدث خلاله عن الحجاب والمحجبات وطريقة ارتدائهن له، ما جعل التعليقات تنهال عليه ما بين مؤيد وعارض.
وقال شريف مدكور، في الفيديو الذي نشره عبر صفحته الشخصية عن المحجبات: عندي في البرنامج محدد إن أي واحدة محجبة تدخل عندي وتطلع تصور لازم تكون لابسة ما لا يصف ولا يشف، لأن أنا بعرض برنامج وشاشة، وبوري صورة المصريين.
وأضاف شريف مدكور: بقيت ألاحظ أن بيجييلي ضيوف محجبات لابسين طرحة مغطيين راسهم ولابسين بدي وهم ممتلئات شوية، وكل جسمهم متفصل، وبنطلون ضيق جدًا وجزمة بكعب كبيرة وميكب كامل ورموش كبيرة.
وأوضح شريف مدكورأن كل شخص لديه الحرية في ما يرتديه وما يفعله و لا أحد يتدخل، وأردف: كل واحد حر في لبسه، وعمري ما هاتدخل في شؤون حد.
قواعد الظهور في برنامج مدكور
وحدد الإعلامي شريف مدكور قواعد لمن سيظهر معه في البرنامج، قائلاً: لكن بالنسبالي ده مش هيطلع على الشاشة، فحطيت قواعد إن أي سيدة محجبة تظهر عندي في البرنامج، لازم تكون لابسة فضفاض ومش ألوان صاخبة، ولو هتلبس بنطلون يكون واسع.
وردا على من يققول إنه يستضيف سيدات غير محجبات، قال شريف مدكور: بعضهم بيستنكرون ده وبيقولوا إني باطلع ناس لابسين عريان، ردي أن هي مش محجبة، لكن المحجبة هي اللي اختارت تكون محجبة وهي شايفة إن ده فرض وله شكل ما لا يصف ولا يشف، والمحجبة شايف أنها بتتنازل شوية عن جمالها وماتبقاش لافتة للنظر، فإزاي حضرتك بتتحجبي وشايفة إن ده فرض، والمفروض تكوني مش لافتة للنظر وأنتِ لابسة مجسم تمامًا.
وتابع شريف مدكور : ساعات باشوف محجبات بييجوا لي في البرنامج لابسين حاجات مجسمة، مش بتلبسها اللي مش محجبة، والضيوف تتخانق معانا ويزعلوا، لكن على الشاشة مش هطلع صور بلدي أو ديني، حد يقول إيه ده.
وشرح شريف مدكور:"فيه بعض المذيعات والإعلاميات المحجبات بيطلعوا على الشاشة بيبقوا حاطين ميكب كتير أوي ورموش تقيلة كتيرة أوي، وهمَّ واجهة والناس بتقلدهم.. ونيتي الحفاظ على الشكل، ويا إما نتحجب ويكون فيه التزام ونستغنى عن بعض الحاجات عشان ربنا، وعشان الثواب، لكن هنتدلع في النص ما تقوليش إنه فرض، ساعتها قل لي إنه فضيلة، لأن الفرض يكون فيه التزام وما بيبقاش فيه شكل استفزازي.
