فيتوريا يكشف سبب ضم عبدالله جمعة ومحمود علاء للمنتخب

تحدث روي فيتوريا، المدير الفني لمنتخب مصر، عن ضم عبد الله جمعة ومحمود علاء لمعسكر الفراعنة المقرر انطلاقه يوم 7 نوفمبر الجاري.

وقال المدرب البرتغالي في المؤتمر الصحفي:" بصيت على عبدالله جمعة ومحمود علاء هما عملوا إيه قبل كده مع المنتخب والأمر كان متعلق بإصابات لاعبين في المكان ده".

وأضاف: "الظروف بتسمح أن أى لاعب يتواجد، محمود علاء عنده خبرة وشارك قبل كده مع المنتخب، عبدالله جمعة سنه صغير وانضمامه معناه إننا بنفتح الباب قدام الناس كلها تكون موجودة، كريم فؤاد بدأ مباراة واحدة كأساسي، عبد الله جمعة بدأ مباراتين".

وتابع "مثلكم تماما رأيت فيه حاجة كويسة أوي وحسيت إنه على مستوى جيد ودي رسالة إننا ممكن نجيب لاعب من فريق صاعد، كان في حاجة عجباني وبفضلها وشفتها في اللاعب علشان كده جبته".