الرئيس السيسي: «لا أعتبر نفسي رئيسا لمصر.. والله أنا صادق»

قال الرئيس عبدالفتاح السيسي، إنه لا يعتبر نفسه رئيسا لمصر، وإنما إنسان طلب منه التدخل لحماية وطن، ومعقبا: "والله أنا صادق".

وأضاف الرئيس السيسي- خلال كلمته في الجلسة الختامية للمؤتمر الاقتصادي مصر 2022-: "أصل أدبيات الرئيس حاجة وأدبيات المواطن حاجة تانية، والبطل حاجة تانية، مش عايز يعيش ويقعد عليها هنا".

وتابع: “وقت ما حصل أحداث 2011 و2012 و2013 الدنيا كلها كانت بتقول هو ساكت ليه وسايبنا ليهم ليه وهما هيعملوا فينا إيه، والجيش يعرف اللي بقوله ده كويس، وبعض المفكرين يفهموا ده كويس”، معقبًا: “الجيش ده جزء من مؤسسة تنفيذية للدولة ويخضع لرئيس الجمهورية، كان مين اللي علم الراجل ده أنه ينتبه ويعرف أن البلد دي داخلة على حرب أهلية ولابد أن يكون له موقف، والموقف ده يكلفه استمراره في الوظيفة بحد أدنى وحياته بحد أقصى”. 

وأكمل: “الواقع اللي احنا ماشيين فيه متغيرش كتير عن اللي كنا موجودين فيه ساعتها، لأن 7 سنين في مسيرة دولة مش كتير أوي”، لافتا إلى أنه جرى التحرك بالشكل الذي يرضي ربنا خلال المرحلة هذه، وإعطاء فرصة كاملة للناس الموجودين آنذاك بالنصيحة الأمينة والشريفة والمخلصة".

وتابع الرئيس السيسي: “الموضوع كان شريف أوي، والشرف مبيتجزأش، لأنه مش سمة متغيرة، وغير كده يعتبر شخصية خائنة ومتقلبة، لأ الرزق على الله”.