المخرج أحمد أبوزيد: «والدي رفض دخولي معهد السينما وقالي مش هتوسطلك»
قال أحمد محمود أبو زيد، المخرج والسيناريست، إنه بعد انهاء مرحلة الثانوية العامة فكان ليلتحق بكلية التجارة، لكنه طلب من والده السيناريست وكاتب القصة الكبير الراحل محمود أبوزيد دخول معهد السينما لكن رفض، "قالي متدخلش المعهد، المهنة صعبة وشاقة ومفيهاش وسط، يناجح يا مش ناجح، بلاش تغامر".
وأضاف أبو زيد، -خلال تصريحات تليفزيونية- أنه بعد إصرار منه للالتحاق بالمعهد فنصحه والده أن يعمل فيما يحب فقط، وفي حال طلب منه الظهور في أحدى الأعمال بدور عامل نظافة فيجب أن يكون أفضل شخص بها.
واستطرد: "قالي لو هتدخل المعهد أنا مش هتوسطلك، لو أنت ناجح هتدخل، وهتدخل عادي زيك زي أي حد لو نجحت يبقي تستاهل تدخل، ولو منجحتش أنت عارف مكانك فين، ودخلت أول تحدي وامتحانات القبول بالمعهد، وطلبت دخول قسم الإخراج قسم السيناريو ودخلت الامتحان ونجحت".
وأوضح أنه بعد دخوله للمعهد فتأكد حينها أنه وفي حال كان الشخص ناجحا فسيكمل طريقه في المجال، "ممكن اللي يتوسط مرة أو أتنين، لكن مش هيخليك تكمل العمر كله، ووالدي كان دائما ما يرفض الوساطة، كان بيقول لا وساطة في الفن، شايف أنه كده بيأذيني".
