الرئيس السيسي لأبطال «139 صاعقة»: «أرجو أن تقبلوا اعتذارنا لو ما خدناش بالنا منكم قبل كده»
وجه الرئيس عبدالفتاح السيسي، الشكر والتقدير، لأبطال الصاعقة المصرية في حرب أكتوبر.
وقال الرئيس السيسي، خلال فعاليات الندوة التثقفية للقوات المسلحة بمناسبة ذكرى انتصارات أكتوبر: "لينا عظيم الشرف، أننا نلتقي بيكم ونشوفكم، وكل الناس في مصر يشوفوا الرجال أو من تبقى من الرجال اللي قدموا لبلدنا، الكرامة والعزة والنصر والشرف دون مقابل.. احترامنا وتقديرنا ليكم كلكم".
وأضاف،: "أرجو انكم تقبلوا اعتذارنا، لو كنا ما خدناش بالنا منكم قبل كده، وكان مهم قوي أنكم تبقوا موجودين النهاردة علشان من خلالكم نقول للمصريين شوفوا تمن الكرامة بيتعمل إزاي، بيتعمل بالشعارات ولا بالدم والتضحيات؟!.. لما اتعمل بالتضحيات فضل باقي لحد دلوقتي ربنا يديكم الصحة ويجزيكم خير عن كل ما فعلتموه أنتم وكل هذا الجيل".
وشاهد الرئيس عبدالفتاح السيسي، فيلما تسجيليا بعنوان "أبطال من ذهب"، والذي يتناول أسطورة نصر أكتوبر 1973.
وتضمن الفيلم، شهادات للتاريخ من رجال الصاعقة المصرية الذين عبروا القناة، ومن بينهم رجال الصاعقة من الكتيبة 139، الذين شكلوا بأجسادهم حائط صد صلب ضد دبابات القوات الإسرائيلية، فمنعتها من التدخل في مراحل العبور.
