«دي عجزت ودي كرمشت».. فريدة سيف النصر تفتح النار على المنتقدين

فريدة سيف النصر تصدرت التريند في الساعات القليلة الماضية بسبب تصريحاتها التي تدافع فيها فريدة سيف النصر عما يتعرض له الفنانين من سهام النقد على وسائل التواصل الاجتماعي.

وأبدت فريدة سيف النصر انزعاجها الشديد بسبب الهجوم الكبير على غالبية الفنانين، من رواد مواقع التواصل الاجتماعي الذين يختبئون خلف الشاشات في الوقت الذي يصوبون فيه سهامهم بدقة إلى الفنانين. 

وترى فريدة سيف النصر أن النقد لابد أن يكون من أجل النصح وليس من أجل الهدم، وهي تستعرض ما يحدث من خلال صفحتها الرسمية على موقع التواصل الاجتماعي "فيسبوك".

كتبت فريدة سيف النصر ترد على كل من يقلل من الآخرين قائلة: "أنا زعلانة علينا كلنا.. المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟، ليه بنستخبي ورا شاشات وتنزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار، كله عايز يتخانق مع كله.. إيه ده، كل يوم يعاملوك بوش أو حسب المصلحة".

فريدة سيف النصر تهاجم من ينتقدون الفنانين

وهاجمت  فريدة سيف النصر من ينتقدون الفنانين بقولها: "في إيه بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل وده كبر في السن لكن بيغني، وده بيرقص كونغرو، وده اتكسح ودي روحي موتي كفاية.. مالكم في إيه بجد.. هما الناس دي ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه".

وأضافت فريدة سيف النصر: "في إيه يا جماعة تحسوا مخطط لهدم الفنانين القوى الناعمة، اللي فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال، وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم، اقرأوا كده المسلسل بيكتب ناس قد إيه عِمالة في العمل".

واختتمت: "كفاية هد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكرة أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا".