شيرين عبد الوهاب: «أنا أتجوز قرد ومارجعش لحسام حبيب»

كشفت الفنانة شيرين عبدالوهاب كواليس خلافها مع طليقها الفنان حسام حبيب، قائلة:" حسام حبيب طلب 10 % من أرباح شغلى.. أنا اتجوز قرد ومارجعش ليه تانى.. ومش عايز أعرف حد اسمه حسام تانى".

وتابعت فى مداخلة هاتفية مع الإعلامية "لميس الحديدى" فى برنامج "كلمة أخيرة،: "أنا استاهل الضرب عشان طلعت قلت ما بيخدش منى فلوس.. أنا أسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب".

أكملت :"كرهني في عيشتي وبناتي، وقت حلاقتي لشعري هو السبب فيها جالي في فندق الفورسيزون وقتها  وأتخانق معايا وصالحني  وقلتله امشي دلوقتي لحد ما أهدى لكنه أصر على البقاء وقلي إنزلي معايا دلوقتي للمأذون عشان نطلق وقلتله  يعني أنا شريين عبد الوهاب أبقى نازلة في أوتيل أنزل بقميص نوم عشان أتطلق، طيب ماتروح ياعين أمك تجيب المأذون في الاوتيل أو تقف زي الرجالة وتقلي إنتي طالق وتمشي لكنه رفض  ظل يستفزني لحد ماحلقت شعري بالماكينة ".