ميدو: «الأهلي كان ممكن يكسب الجونة وهو نايم على السرير»

كشف أحمد حسام ميدو، سبب تعادل الأهلي مع الجونة سلبيا ضمن منافسات الدوري الممتاز هذا الموسم.

قال ميدو - في تصريحاته عبر برنامج "الريمونتادا" على قناة "المحور" -: "مسؤولو الأهلي اتعاقبوا بسبب تأجيل المباريات، والأهلي كان ممكن يكسب الجونة وهو نايم على السرير لو كان الماتش ده اتلعب في ميعاده".

وأضاف: "مسؤولو الأهلي كانوا بيحاولوا يكونوا أذكياء، وفاكرين إن التأجيل هيفيد، لكن كرروا غلط الموسم اللي فات، إن النادي الأهلي، يلعب في ضغط ماتشات، طب ما كدة كدة الماتشات دي هتتلعب وهتتلعب تحت ضغط بعد التأجيل".

وختم حديثه قائلا: "الأهلي بيعيد نفس أخطاء الموسم الماضي بتوصية من نفس الأشخاص والمسؤولين، وبرضوخ من نفس الجهات والنتيجة نزيف نقاط كان ممكن عادي جدا بكل بساطة ميخسرش النقاط دي".