سمية الخشاب ترد على منتقدي مساعدتها لطلاب الثانوية

كشفت الفنانة سمية الخشاب، حقيقة الأخبار المتداولة عن دعمها لطلبة الثانوية العامة خلال الفترة الأخيرة؛ من أجل التريند.

وقالت سمية الخشاب، في مداخلة هاتفية مع برنامج "خلاص صحينا" تقديم مارينا المصري عبر محطة "نجوم إف إم": " لو هيكون لي لقب أحب يكون بنت البلد، وبقول لطلبة الثانوية العامة ما تقلقوش وما تخافوش".

وأضافت: "الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالي كونوا فخورين بأولادكم ولازم تقفوا جنبهم وتشجعوهم، وجبت في ثانوية عامة 96% وأكتر مادة كنت بخاف منها هي الجغرافيا وكنت بحب العربي والفرنساوي جدًا، واتعلمت من مدرس الفرنساوي الدقة في المواعيد".

واختتمت حديثها قائلة: "أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب هيكون حاجة مختلفة جدًا إن شاء الله، وعندي أغنية جديدة هتقلب الدنيا".