هنادي مهنا: «وزني زاد بسبب الدلع والمسقعة والمحشي»

كشفت الفنانة هنادي مهنا، عن سر رشاقتها وخسارتها لوزنها، موضحة أنها كانت في إسبانيا خلال فترة الجامعة تتحرك بشكل كبير وكانت رشيقة. 

وقالت هنادي مهنا - خلال حوارها إلى برنامج "كلمة أخيرة" الذي تقدمه الإعلامية لميس الحديدي على قناة "ON" -: "لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش". 

وأكملت الفنانة: "كنت بدرس في إسبانيا في مجال هندسة الصوت بمجال الموسيقى لأني كنت بحب المزيكا أوي وكان حلمي إني أغني قبل التمثيل واكتسبت ده من الجينات من والدي، ولما جيت مصر اشتغلت مدرسة ودرست كذا حاجة وكنت فاتحة شركة مع بابا وأنا بحب اشتغل من صغري حتى في الصيف من صغري ومش بحب أقعد في البيت".

وأردفت: "لما اشتغلت ممثلة مكنتش مستوعبة طبيعة الشغلانة وأن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة ودي كانت حاجة بالنسبة لي فيها إحساس غريب وكنت بقول فيه حاجة غلط لأني متعودة على الشغل اليومي وأني أنام وأصحى عشان ورايا شغل".