ميار الشريف تكشف حالتها الصحية: «جزء من عضم رجلي اتكسر والألم كان رهيب»

كشفت ميار الشريف لاعبة منتخب مصر للتنس عن تطورات حالتها الصحية إثر تلقيها العلاج في إسبانيا بعد ما أعلنت انسحابها من بطولة رولان جاروس المفتوحة إحدى بطولات الجراند سلام الكبرى، بسبب الإصابة، بعد وصولها إلى الدور الثاني في البطولة قائلة: " في وسط الماتش الأول   تعرضت لإصابة وحسيت بطرقعة صغيرة وعملت أشعة ورأينا جزء من العظمة مكسورة  مقدرتش أكمل وانسحبت من الماتش وجيت لإسبانيا شان الدكتور بتاعي  يتابع حالتي".

وكشفت أن الأطباء المعالجين ذكروا لها أن العلاج سوف يستغرق  من ستة إلى ثمانية أسابيع من شفاء متباطئ، لكن الأوضاع أفضل وفي تحسن  قائلة " الحمد لله قدر الله ماشاء فعل " 

 تابعت  تعليقاً على فوزها ببطولة  رولان جاروس  للتنس لتكون بذلك أول مصرية تفوز بتلك البطولة  تابعت  خلال مداخلة     "    عبر  تطبيق " زووم "   خلال   برنامج " كلمة أخيرة  " الذي تقدمه الإعلامية لميس الحديدي على شاشة ON": الماتش الثاني  كان صعب وحسيت بألم  صعب بسب الصلابة بس أنا لازم أشكر كل الناس الي شجعتني ووقفت جمبي  وشجعوني من قلبها "

واصلت: كان فيه جمهور مصري  قالبين الدنيا وكانوا جايين من مصر مخصوص جولي مخصوص  وكان من بينهم لاعبي تنس وده  كان دافع لي أثناء الماتش كبير وزقني  جداً أني أكمل ومكنتش عاوزة أمشي الناس دي  زعلانة بجد".

استطردت: كنت كسبانة 6/3 و4/3   وكان الماتش سخن جداً وفضلت ألعب ما بين 20-25 دقيقة وأنا عظمة رجلي كانت مكسورة   وكان ألم رهيب وصعب جداً، لكن كنت بقاتل مع الناس في الملعب  وبقاتل عشان التاريخ الي بلعب  بيه وأني أكون  فخورة  أني مصرية أرفع علم مصر  هناك حاجات كتيرة كانت بتحفزني عشان أكمل"