شريف سلامة: «بقيت ممثل بالصدفة ومش بحب الشهرة»

قال الفنان شريف سلامة، إن البعض يراه مظلومًا ولكنه لا يرى نفسه كذلك، مؤكدًا أنه في انتقاءه لأدواره تعتبر مهمة كبيرة تعتمد على حفر خطوط عريضة مع الجمهور.

وأضاف سلامة - خلال لقاء عبر برنامج "كلمة أخيرة" الذي تقدمه الإعلامية لميس الحديدي على شاشة ON -: "عشان الناس تحترم اسمي لما تشوفه في أي عمل يعني لو قمت بدور الجان بعمله وأي دور لأن الناس لازم تشوف الفنان الحقيقي في شخوص وشخصيات مختلفة، ولازم الناس تصدق الدور اللي بقدمه في كل دور أقوم بيه".

وعن صعوبة الاختيار وما قد يؤدي إلى تعطيل مسيرته الفنية وقلة الأدوار أوضح شريف سلامة: "مش بيهمني الحتة دي خالص".

وكشف الفنان شريف سلامة أنه مكث في دراسته في المعهد سبع سنوات وذلك ردًا على سؤال الإعلامية لميس الحديدي "مين من أبناء جيلك موجود الآن" ليجيب قائلاً: "مش عارف أنا قعت سبع سنوات في المعهد وعدى عليا ناس كتير" لتقاطعه الحديدي "سقطت عشان مع داليا" ليجيب مازحًا: "بالعكس والله هي اللي سقطت سنة علشاني وقلتلها هتسقطي علشاني قالت هعد معاك".

ولفت إلى أنه كان يرسب بإرادته قائلًا: "أنا أصلا كنت بسقط بمزاجي كانت بشيل مادتين نظري مافيهمش غياب وحضور وأنا أصلاً مكنتش عاوز أبقى ممثل وكنت بحب أشتغل خلف الكاميرا وبقيت ممثل بالصدفة".

واختتم: "كنت عاوز أبقى مخرج أو مدير تصوير مش بحب الشهرة وبدأت مساعد مخرج ودرست كل كتب التصوير عشان برضه كان نفسي أبقى مدير تصوير".