الرئيس السيسي لأبطال «الاختيار» و«العائدون»: «شكرًا.. وكل اللي عملتوه هو الحقيقة»
تحدث الرئيس عبد الفتاح السيسي، للفنانين أبطال الأعمال الدرامية الوطنية «الاختيار» و«العائدون»، قائلًا لهم: «مش هتمشوا، مش هتمشو.. دي فرصة أني أقولكم كل سنة وأنتم طيبين، ونشكركم على اللياأنتوا عملتوه، وجزء كبير منه لصالح الأبطال والشهدائ اللي ضحوا عشان مصر تعيش».
وتابع الرئيس السيسي: «احنا قولنا أن التاريخ منسيبهوش لحد.. والله والله والله.. احنا كنا حريصين أنه محدش يسقط، ووالله والله والله، إن اللي أنتم عملتوه هي دي الحقيقة».
وأردف الرئيس السيسي: «أبنائكم وأزواجكم، شهدائنا، لم يسقطوا في معركة طغيان، أحنا حاولنا.. فمحدش يزيف ويشوه تاريخنا، أنا عايز أقولكم تاني، شوفتم أد إيه عمل درامي بألف كتاب وألف ساعة.. أنتم متعرفوش انتوا عملتوا ايه.. طب تصدقوا بالله، حتى البيان اللي كتبناه كنا حريصين لأخر لحظة ميحصلش صدام، لا قولنا فيه عزل رئيس، أو إسقاط نظام».
وتابع الرئيس: «أنا مستعد لأجل خاطر الحقيقة والصدق والأمانة، متتشوهش القيمة الكبيرة اللي عملها المصريين متتشوهش.. لكن للأسف الادعاءات والتشويه والكذب. ربنا يكفينا أهل الشر، وبقول للمصريين كل سنه وانتم طيبين، وخلوا بالكم من بلدكم والكلام ده محدش كان يقبل وهو في مكاني وفي موضعي -يقصد مسلسل الاختيار وتجسيد دور الرئيس السيسي- إن أي موقف ميبقاش فيه كذبه واحده».
وتحدث الرئيس عن حدوث تهديد للجيش نحو 3 مرات، موضحًا: «المرة الأولى كانت وقت تواجد المشير حسين طنطاوي، وقت الانتخابات الرئاسية، والمرة الثانية حينما هدد خيرت الشاطر، بالقتل وأعمال عنف شديدة، والمرة الثالثة، تم تهديدي أنا شخصيًا في 45 دقيقة».
واصطحب الرئيس عبدالفتاح السيسي، عددًا من أبناء الشهداء من الأطفال، لحظة دخوله احتفالية عيد الفطر مع أبناء الشهداء، بمركز المنارة الدولي.
ورحب الرئيس السيسي بأبناء الشهداء، قائلًا: «أهلا وسهلًا.. عيد سعيد عليكم وعلينا كلنا».
وبدأ الاحتفال باسكيتش يا ليلة العيد أنستينا».
وصل الرئيس عبد الفتاح السيسي للمشاركة في احتفالية عيد الفطر مع أبناء الشهداء.
وأدى الرئيس عبدالفتاح السيسي صلاة عيد الفطر المبارك -اليوم الإثنين- بمسجد المشير طنطاوي بالتجمع الخامس.
