سليمان عيد: «كنت ساكن بـ7 جنيه مع علاء مرسي و كنا مبسوطين جدًا»

قال الفنان سليمان عيد :« بدايتي كانت في مسرح كلية تجارة جامعة القاهرة، و عملت مسرحية في الجامعة اسمها " جمهورية فرحات " تأليف دكتور يوسف إدريس، وإخراج زميل ليا أسمه وائل زكريا، و في تانية جامعة عملت مسرحية " أيضا كلام فارغ " مع  شاكر خضير، جاء ذلك خلال حواره الإذاعي».

و أضاف:  شاكر خضير  طلب مني اروحله مسرح " باب اللوق" علشان يستفيد من الإفيهات بتاعتي، وماكنتش مصدق إني هشوف سمير غانم، وشاكر خضير  من أكتر الناس اللي دعمتني و خلاني أشوف سمير غانم، و بحس إن الضحك  الإفيهات علاج للناس . 

وتابع : عملت أكتر من ٩٨ فيلما، و ٢٥٠ مسلسلا ، و ١١٥ مسرحية، أما أول نقطة تحول في حياتي كان فيلم " جاءنا البيان التالي "، و النقلة التانية في حياتي كانت في فيلم " عسكر في المعسكر "، و عملت ٤٠ مشهدا في فيلم " جواز بقرار جمهوري " . 

وقال:" بالنسبة لأول فرصة في حياتي كانت في فيلم " الطريق إلي إيلات " وضحيت بمسرحية " جوز و لوز “ علشان الفيلم و في النهاية دوري اتشال”.

واختتم قائلا :"مبنساش أيام المعهد كنت ساكن مع علاء مرسي، وكان بيدفع ١٠ جنيهات وـنا ٧ جنيهات و كنا مبسوطين جدًا".