ابن خالة نجم «لولاكي»: «علي حميدة الناس كانت بتتبارك بيه»
قال الدكتور حسام مرزوقة ابن خالة النجم علي حميدة: «الفنان علي حميدة من صغره كانت الناس بتتبارك بيه، وكان شيف كبير وكلنا أكلنا من ايده، كان بيعمل المبكبكة و الرز الأحمر ودي أكله مشهورة في مطروح، والأسماك كان بيبدع فيها.
وأضاف خلال لقائه في برنامج «عيلتي»، على «شعبي إف إم»: «علي من قبيلة الجماعات في مرسي مطروح اتولد في أسرة بدوية ( مجتمع بدوي مغلق )، واتعلم الغنا من البكاء ( الستات اللي كانوا بيبكوا علي الميت)، وكان الرابع في اخواته من أمه، وعيلته اسمها ( عيلة البوسطة ) علشان عيلته كانت ماسك البوسطة، والعيلة بتتميز بخفة الدم و سرعة البديهة».
وتابع: « قال لأهله إنه دخل كليه تربية وهو في الأصل دخل معهد الموسيقي العربية، وطلع أول الدفعة واتعين معيد و بعدها سافر الكويت، قائلا: «عيلة علي حميدة كانت عيلة كريمة جدا وعلي كان كريم بالفطرة و أكله مبارك، ومبروكة أخت علي حميدة كانت الصندوق الأسود لأسراره».
