بطريقة سهلة.. دار الإفتاء تشرح كيفية حساب قيمة زكاة الفطر

كشفت دار الإفتاء المصرية كيفية حساب قيمة زكاة الفطر بطريقة سهلة وبسيطة، تزامنًا مع حلول شهر رمضان المبارك.

وقالت دار الإفتاء: "أعرف حسبت قيمة زكاة الفطر أزاي بطريقة سهله وبسيطة وميسرة ولغة عامية أيضا سهلة وبسيطة، حسبناها على القمح اللي بيتعمل منه العيش اللي كل الناس في مصر بتاكله 
طيب سعر أردب القمح كام 900 جنيه، والأردب فيه 150 كيلو، يبقى سعر الكيلو كام 6 جنيهات".

وتابعت: "طيب والزكاة أد إيه صاع من قمح، طيب الصاع يساوي كام كيلو طلع يساوي 2.04 كيلو
يبقى نضرب 2.04 كيلو * 6، يطلع الناتج 12.24 جنيه، ودار الإفتاء قالت إنه 15 جنيهًا، يعني كمان مزودين عن السعر بشويه بحيث اختلاف الأسعار في الأردب، و15 جنيهًا الحد الأدنى يعني طلع أكتر من 15 جنيهًا لو معاك ودخلك يسمح لك".

وأضافت دار الإفتاء: “بس اللي مش هيقدر فأقل حاجه يطلعها عن الفرد 15 جنيهًا، وتخرج قبل صلاة العيد، ويجوز إخراجها من أول يوم في رمضان”.