حمادة هلال: أغنية «عيش بشوقك» لتامر حسني كانت بتاعتي.. فيديو

قال الفنان حمادة هلال، إن أغنية "عيش بشوقك" والتي قام بغنائها المطرب تامر حسني، كانت في الأصل له واستمر في العمل عليها لمدة 6 أشهر.

وتابع حمادة هلال، خلال حواره مع الإعلامية أسما إبراهيم في برنامج "حبر سري"، أنه انشغل لفترة قصيرة تراوحت من أسبوعين لثلاثة أسابيع بسبب مرض والدته بعد العمل على الأغنية لمدة 6 أشهر.

وأضاف قائلًا: "اللي زعلني إني اتواصلت معاهم وقلتلهم الأغنية دي بتاعتي لأنهم خدوها وفكرت أنزل الأغنية على السوشيال ميديا لأنها بتاعتي ومجهودي بس قلت بلاش وربنا اللي عالم".

وتابع أنه تعاقد على أغنية جديدة بعد أسبوعين من تلك الواقعة، قائلاً: "بعد 15 يومًا رحت لمي كساب علشان كانت عيانة وقابلت أوكا وأورتيجا واتقالي عندي أغنية اسمها اشرب شاي وبقت أغنية وإعلان وفيها الخير".

وأضاف: "أنا مش زعلان على الأغنية بس أنا لو حد قالي دي أغنيتي وشقيان عليها وانشغلت في مرض أمي هقولك خدها مش هقولك أخدت تنازل هو احنا بقينا في قانون الورقة والقلم ولا قانون الكلمة والجدعنة".

وعن تواصله مع فريق عمل الأغنية قال: "أنا كلمت الزميل والمنتج وقلتلهم دي بتاعتي والـ15 يومًا أنا قاعد تحت رجل أمي والأغنية أنا شقيان فيها فلية بتعملوا كدة ولو حد غيري كان نزلها وحرق دمهم بس استعوضت".