صلاح: «كان نفسي في ولد بس لما ربنا كرمني بمكة وكيان مبقاش فارق معايا»
كشف محمد صلاح لاعب فريق ليفربول الإنجليزي السر وراء اختياره أسماء بناته مكة وكيان ومن اختار تلك الأسماء.
وقال صلاح - في تصريحات مع الإعلامية إسعاد يونس -: "من يوم ما أتعرفت على ماجي مراتي وهي كانت مقرر إنها تسمى مكة وقالت وقتها اسم جديد محدس مسميه.. ولما كانت حامل في كيان هي برضه اللي سمت كيان وقالت اسم جديد ومش موجود كتير".
وتطرق صلاح عن الحديث عن مكة وكيان والفارق بينهما قائلًا: "كيان شخصيتها قوية وبتتعلم من مكة، ولكن مكة بتغير منها شوية وعاوز تعيش إحساس السيطرة كونها المولودة الأولى".
وتحدث صلاح عن شخصية مكة قائلًا: "مكة عنيدة جدا وعندها طاقة ومش بتحب تنام ولما بتحب تعمل حاجة مش بتسيبها إلا لما تعملها.. وهذا أن دل يدل في المستقبل إنها ستكون شخصية مؤثرة ولها تأثير وهي تشبهني في أشياء كثيرة".
وعن زوجته ودورها في حياته والإشاعات التي تعرضوا لها معا قال صلاح: "الإشاعات مش بتفرق معانا خالص وزوجتي مش بيفرق معاها خالص الإشاعات.. وماجي شخصية هادئة بس لما بتجنن بتتجنن".
وتحدث صلاح عن معانته بين ماجي ومكة ابنته قائلًا: "هي ومكة بيتخانقوا كتير مع بعض ومش بتدخل في أي مشكلة بينهم وده بيضايق أم مكة.. بس لما بقعد مع مكة لوحدنا بفهمها الصح والغلط".
وبسؤاله عن تفكيره في طفل يحمل اسمه قال صلاح: "طول عمري وأنا صغير كنت بحلم يكون عندي ولد.. بس لما جالي مكة وكيان خلاص كدة مبقاش فارق معايا حاجة".
