الرئيس السيسي: «مش هنخلي في مصر طلب على شقق.. ولو اتطلب مليون وحدة هنعملها»
قال الرئيس عبد الفتاح السيسي إن الدولة تعمل على إنشاء المشروعات لحل المشكلات المختلفة وتلبية المتطلبات السكانية".
جاء ذلك خلال افتتاح الرئيس عدد من المشروعات؛ من بينها مشروعي سكن مصر للإسكان الاجتماعي وجنة للإسكان المتوسط ومركز شباب بمناطق الشيخ زايد وأكتوبر.
وفيما يتعلق بالإسكان، قال الرئيس: «لو اتطلبت مليون وحدة إسكان اجتماعي هنعملها، والبنك المركزي داخل معانا عشان نيسر على الناس، مش هنخلي في مصر طلب على شقق إلا لما نلبيه».
وأضاف الرئيس: «شايف إن كل واحد مع قرشين يبنى عمارة.. مش هتجيبلك حاجة.. لو انت حطيت المبلغ ده في البنك هيوفرلك عائد مناسب»، مستطردا: «امشي على الطريق الدائري دلوقتي، وبصوا على حجم العمارات… مش ممكن حجم المساكن على الدائري.. في شقق كتير مفيش شباك حتى راكب.. ما تضيعوش فلوسكم".
واستمع الرئيس، إلى آيات قرآنية، في مستهل الاحتفال. ومن المقرر أن يجري جولة تفقدية لعدد من تلك المشروعات.
