سمية الخشاب: «الزواج نظام اجتماعي فاشل.. ومش عايزة أتجوز تاني»

أكدت الفنانة سمية الخشاب، أن شائعات الزواج تلاحقها باستمرار كونها من الفنانات الجميلات، وسخرت قائلة: "بيقولوا عليا كده عشان لذيذة وجميلة ودمي شربات وأي حد بيعدي بيجوزوني له ويطلقوني وفى حالة اضطهاد ليا، والست لما تكون جميلة بتكون معرضة للشائعات".

وكشفت الفنانة سمية الخشاب -خلال حوار ببرنامج "حبر سري" مع الإعلامية أسما إبراهيم، على قناة القاهرة والناس، رأيا صادما عن موقفها من الزواج قائلة: "أنا مش عايزة أتجوز تاني وأنا كده ملكة وبالنسبة لى الزواج نظام اجتماعي فاشل، ومش بفكر في اللي فات وأنا عايشة الحاضر".

وعن حقيقة زواجها من المطرب الشعبي عمر كمال بعد مشاركته في أغنية، قالت: "زواجي من عمر كمال إشاعة تافهة وشروطي للجواز يبقى طيب ولطيف وغني وكريم ويكون مش بيشوف غيري يعني أعمى".