الرئيس السيسي: لجنة شباب محايدة للوقوف على حقيقة بيانات الاحتجاز والاختفاء القسري
قال الرئيس عبدالفتاح السيسي، ردًا على مزاعم وجود انتهاكات لحقوق الإنسان فى مصر، إنه سيطرح على شباب محايد مستعد لأخذ كل البيانات التي تطرح ويتم تداولها في الخارج.
وأضاف الرئيس السيسي -خلال جلسته مع ممثلي الصحافة الأجنبية على هامش فعاليات منتدى شباب العالم في نسخته الرابعة-: «هطرح عليكم طرح على شباب محايد مستعد ياخد كل البيانات اللى بتطرح ويتم تداولها فى الخارج، عن العدد والسياسيين والاحتجاز والاختفاء القسرى، ويتم خلال أسبوع أو شهرين الوقوف على حقيقة ذلك، ولما اللجنة دى تطلع بنتايجها تعلنها للناس».
وتابع الرئيس السيسي: «هل الكلام ده حقيقى ولا لأ؟، هل النهاردا فيه الكلام اللى بيٌطلق ده؟، بالأرقام اللي بتتقال دي حقيقي ولا لأ؟، أحيانًا تكون البيانات التي يتم الحصول عليها ليست دقيقة وساعات الموضوعات التي يتم طرحها مبتبقاش موضوعات كاملة وبالطريقة دي هتكون الإجابة إن احنا دولة قانون».
واستطرد: «ومبيتمش أي إجراء خارج إطار القانون وعدم التدخل في شؤون القضاء مش هقول كده؛ هقول هاتوا البيانات اللي إنتوا بتقولوا عليها، وهاتوا قوائم الاختفاء القسري كان فيه لجنة اتشكلت في أول مؤتمر شباب، وأي إجراء خاطئ مستعدين نصوبه في النهاية».
