تامر حسني يكشف عن مشهد حلم به في طفولته وتحقق
كشف الفنان تامر حسني، عن مشهد كان يحلم أن يحدث معه منذ طفولته، وتحقق بعد سنوات من العمل والإصرار.
ونشر تامر حسني - عبر حسابه بتطبيق Instagram - فيديو قصير له وهو يحيى الجمهور على الجانبين ويمر من بينهم، وعلق كاتبا: "المشهد دا كان أكتر مشهد بحلم بيه من وأنا صغير تقريباً كنت بشوفه كل شهر بأشكال مختلفة وكنت بسأل نفسي طب يارب أنا هتشهر بالشكل دا والناس هتحبني كدا في أي مجال".
وتابع: ساعتها كنت بلعب كوره بس كان عندي إصابات كتير بدري على سني ومشاكل مع بعض المدربين اللي مقتنع بيا، واللي مش مقتنع بيا فا بيخليني احتياطي موسم كامل، ودا شيء محبط لإني كنت مصنف لاعب مهاري كويس، والموضوع دا اتكرر معايا في الزمالك والأهلي والاتنين استغنوا عن خدماتي، يعني زي ما تقولوا كدا في ظروف كانت بتتجمع عشان أفهم أن الكورة مش مستقبلي رغم تعلقي بيها الجنوني، بس أتاري ربنا كان كاتب لي مستقبل تاني وأفضل ليا".
وأضاف: عرفت دا لما دورت جوه نفسي بجد بمساعدة أول معجب ليا أول fan في حياتي والوحيد اللي كان مصدقني وهي أمي، يعني مهم أوي انك تدور جوه نفسك عشان لازم هتلاقي ربنا مخلقكش فاضي وأتمنى من الأهل إنهم يركزوا مع ولادهم في أصغر سن ليهم و يفضلوا دايماً يكلموهم عن الحلم والطموح والنجاح.. بكتب الكلام دا وواثق مليون في الميه إن فيكم حد محتاج يسمعه وكان مستنيه الإشارة جت أهي مالكش أو ملكيش حجة".
