الرئيس السيسي يوجه بتسعير عادل وحوكمة وإدارة رشيدة في إنتاج الأسمدة
شدد الرئيس عبدالفتاح السيسي، على ضرورة أن يكون هناك تسعيرا عادلا وحوكمة وإدارة رشيدة في إنتاج الأسمدة.
وقال الرئيس - خلال افتتاح التوسعات الجديدة والتطوير لمصنع كيما في محافظة أسوان، اليوم الثلاثاء -: "النهاردة بنعمل إجراء علشان التسعير يكون مناسب للزراعة في مصر".
وأضاف "طن الأسمدة كان بتمن.. ودلوقتي نتيجة اللي حصل السنتين اللي فاتوا بقى بتمن تاني.. سعر طن السماد بقى بـ14 ألف"، متابعا "دلوقتي أنت عاوز تصدر وعاوز تلبي احتياجات السوق، واحتياجات السوق دلوقتي مدعومة، فسعر السماد بعد الدعم تقريبا، مش نص قيمة التكلفة والسعر الحقيقي الموجود في العالم".
ووجه الرئيس حديثه للحكومة: "السعر ده علشان يكون عادل عملتوا صيغة علشان تحققوا المعادلة داخل مصر، يبقى التسعير محتاج نحل فيه.. وأنا بقول للمزارعين ووزارة الزراعة يا جماعة نظم الري الحديثة، بتخلي قيمة السماد أقل من المستخدم حتى 40 أو 50 في المئة، فبدل ماتشتري شيكارتين هاتاخد شكيارة، وبالتالي أقدر أوفر علشان أصدَّر، واعرف أشغل المصانع وده بيوفر السماد وبيقلل التلوث، وأدي فرص نجاح علشان المصنع يشتغل".
ويشهد الرئيس السيسي، اليوم الثلاثاء، افتتاح التوسعات الجديدة والتطوير لمصنع كيما في محافظة أسوان.
وصرح المتحدث الرسمي باسم رئاسة الجمهورية، السفير بسام راضي، بأن الرئيس عبدالفتاح السيسي، يتفقد اليوم مصنع اليوريا ونترات الأمونيا بمنطقة كيما بمحافظة أسوان.
وأضاف المتحدث - في بيان - أن الرئيس السيسي يتفقد اليوم، أيضًا، محطة سكك حديد أسوان، ويشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
