الرئيس السيسي: زراعة نصف مليون فدان في سيناء توفر حياة مستقرة لـ100 ألف أسرة

قال الرئيس عبدالفتاح السيسي، إن زراعة 500 ألف فدان في سيناء بتكلفة 100 مليار جنيه تعني أن هناك 500 ألف نسمة أو 100 ألف أسرة بمتوسط 5 أفراد يمكن يعيشوا بشكل جيد، وبذلك تتحول سيناء إلى بيئة داعمة للاستقرار.

وأضاف: «بقول للناس اللي بتتفرج علينا انتبهوا لكل كلمة بتتقال هنا، وكل شرح بيتشرح.. الكلام ده كان ممكن ما نطلعوش في التلفزيون ويتعرض عليَّه قبل ما يتصدق على ده.. إحنا بقالنا 7 أو 8 شهور دراسات مع وزارة الزراعة والري والهيئة الهندسية».

وتابع الرئيس السيسي: «المواسير اللي انتوا بتشوفوها بحجم 2 متر بطول 400 كيلو.. تكلفتهم كام؟، ثم العبء الهندسي إيه؟ علشان في النهاية توصل الميه للأماكن اللي انت عاوز توصلها ليها، بتكلفة مرتفعة لضبط مسارها».