أحمد فهمي: «شيكابالا مضى للأهلي سابقًا.. ومش حابب انفخ في النار»
قال الفنان أحمد فهمي، إن معظم لاعبي نادي الزمالك أصدقائه، ويحترمهم جميعًا؛ تعليقًا على المشاجرة التي وقعت بينه وبين شيكابالا لاعب القلعة البيضاء، وتصريحاته السابقة بشأن توسطه للأخير حتى يلعب للنادي الأهلي.
وأضاف فهمي - خلال لقائه في برنامج "حبر سري" عبر قناة "القاهرة والناس"، مساء الخميس -: "إحنا كنا صحاب جدًا، وأنا مش حابب انفخ في النار.. خناقة زي دي مش خناقتي، هي خناقة قلبت بين أهلي وزمالك".
وتابع أحمد فهمي: "إحنا مش أعداء هو مش عدوي والله مفيش حاجة.. فعلًا مغلطناش في بعض والدليل إننا اتقابلنا في فرح نادر حمدي، وبالرغم من أنه اتكلم عليا وحش بس عادي، مش هتكلم في الموضوع ده تاني؛ لأن كدة إحنا بننفخ في النار وشغل عيال صغيرة، وهو موقف واحد مش متكرر".
وأضاف فهمي: "أنا مش شخص مجنون إني أغلط في الناس.. معظم لاعبي الزمالك صحابي وكلهم بحترمهم"، مختتمًا: "شيكابالا اتكلم بشكل غير لائق، وهو بالفعل مضى مع الأهلي قبل كده".
