القصة الكاملة لعودة منة عرفة إلى زوجها محمود المهدي
أعلنت الفنانة منة عرفة عودتها إلى زوجها محمود المهدي، بعد انفصالهما لمدة يومين وتحديدًا مساء الأحد الماضي عندما فاجأت الجمهور بطلاقهما.
وكتبت منة عرفة - عبر حسابها على موقع التواصل الاجتماعي «إنستجرام» مساء الأربعاء -: «من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن أنتوا يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بالنسبة لكوا نكتة أو حاجة تتمسخروا عليها».
وأضافت: «رهان بتعملوه مع بعض على إننا مش هنكمل، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي إلى ربنا ما يكتبها على أي ست مرحمتونيش ولا قدرتوا إني في موقف لا أحسد علیه وشمتانين فينا، قد إيه أنتوا ناس متعرفوش ربنا ولا في قلوبكم رحمة، أتمنوا الخير لبعض يا جماعة بلاش نشمت في بعض».
وتابعت: «لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دي، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقي إنهم كانوا مستنين أول مشكلة عشان يشمتوا فى كسرتي وخراب بيتي“.
واختتمت: «بس والله ربنا مش هينولهلكو وربنا يخليلي أهلي وزوجي والناس اللى بتتمنالي الخير ووقفت جمبي».
وكان محمود المهدي، كشف عن سبب انفصاله عن الفنانة منة عرفة وكتب عبر خاصية ستوري بحسابه بموقع «إنستجرام»: «الناس اللي بتتصل وتسأل، خلاص كل حاجة قسمة ونصيب، وأنا كرجل شرقي صعيدي، في حاجات مش هتنفع معايا وهتوقفها عن شغلها وحلمها وأصدقائها في الوسط الفني».
وأضاف: «فأكيد مش هقف في ده، وربنا يكرمها في المجال الفني وتوصل أعلى حاجة فيه، بالتوفيق للجميع».
وكانت الفنانة منة عرفة، أكدت انفصالها عن زوجها محمود المهدي، في ستوري نشرتها عبر حسابها الشخصي بموقع «إنستجرام»، وكتبت: «كل شيء قسمة ونصيب، تم الانفصال وربنا يوفق الجميع».
