حفظي: «ريش» فيلم بموديل الإنتاج المشترك الأوروبي لكن ليس له أجندات

نفى المنتج والسيناريست محمد حفظي وجود أجندات متعلقة بإنتاج فيلم "ريش" بالاشتراك مع منتجين من أوروبا.

وفي مقابلة مع قناة ON من مهرجان الجونة السينمائي، حيث يشارك الفيلم في المسابقة الرسمية، شرح محمد حفظي فكرة الإنتاج المشترك قائلا: "الفيلم ده مجموعة من الشركات مش بس مصرية، معايا شاهيناز العقاد من مصر، وجولييت من فرنسا، وجورجيو من اليونان، وفي إنتاج هولندي في الفيلم، والفيلم معمول بموديل الإنتاج المشترك الأوروبي العربي أو المصري في الحالة دي."

وأضاف: "الطريقة دي بتفتح أبواب كتيرة للفيلم، في ناس بتقوللي ساعات ده بيبقى فيه أجندات، الكلام ده مش حقيقي، الموضوع مجرد مخرج واعد بيقدم سيناريو مميز وعنده رؤية قادر ينفذها، وبنحاول نتكاتف مع بعض عشان نلم تمويل الفيلم."

وشهدت فاعليات اليوم الثالث للمهرجان عرض فيلم "ريش" لمخرجه عمر الزهيري ضمن المسابقة الرسمية، وذلك بعد فوزه بالجائزة الكبرى لمسابقة أسبوع النقاد الدولي، في الدورة الرابعة والسبعين لمهرجان كان السينمائي الدولي، وكشف محمد حفظي عن فوزه بجائزة أخرى أمس من أحد المهرجانات الآسيوية.