بعد إصابتها بكورونا.. ريهام سعيد: يا رب خلي بالك من أولادي

أعلنت الإعلامية ريهام سعيد، منذ قليل، إصابتها بفيروس كورونا المستجد (كوفيد-19).

ونشرت ريهام سعيد، عبر موقع الفيديوهات والصور "إنستجرام، اليوم الخميس صورة ليديها وهي على السرير بأحد المستشفيات قائلة: "بقالي أسبوعين بعاني من كورونا، والحمد لله الرئة اتأثرت واتحجزت في المستشفى من شوية".

وتابعت: "إحساس غريب وأنت عندك حاجه مميتة، بتراجع نفسك كتير وتحاسب نفسك كتير أكيد غلطت؛ لكن عمري ما قصدت؛ كان دائمًا الغرض نفع الغير وإظهار الحقيقة".

وأضافت: "شكرًا يا رب على حبك ليه، وشكرًا على ابتلاءاتك الكتير اللي بتدل على اهتمامك بيه، إذا كانت دي النهاية يا رب أحسن خاتمتي، وأحسب لي كل عمل عملته لوجهك الكريم يا رب أنت الوحيد اللي عارف أنا عملت إيه وكانت نيتي دائمًا إيه، استحملت وصبرت على افترا وظلم كتير".

واختتمت حديثها قائلة: "يا رب اغفر لي وسامحني وخلي بالك من أولادي، إذا كان ده اختبار من اختباراتك ولسه في العمر بقية يا رب اشفيني، واقف جنبي وسهل عليه محنتي أنا راضية بأي شيء".

وقدمت نصيحة لمهاجمي المشاهير قائلة: "نصيحة لكل واحد بيهاجم مشهور أو ناجح؛ أنت بتاخد ذنب رهيب أنتوا بتاخذوا من أعصابنا وصحتنا وكلة على باطل، خلي بالكوا الأذية دي وحشة أوي وهتقعد لك في أعز ما عندك، أرجو الدعاء بالخير ليه أي كان هو إيه".