السيسي: "لو الحكومة طلبت 100 مليار جنيه لميكنة كل الإجراءات في مصر هادفع"

علق الرئيس عبدالفتاح السيسي، على كلمة وزير المالية، الدكتور محمد معيط، بشأن ميكنة الجمارك في مصر، أثناء تفقد الرئيس أعمال تطوير ميناء الإسكندرية البحري.

وقال الرئيس السيسي "وزير النقل بيتكلم عن تطوير الجمارك من حيث البنية التحتية لكن منظومة الجمارك المالية أيضا طورناها بالميكنة الكاملة، مش عايز أقولكم حجم المليارات اللي تم إنفاقها، وأنا قلت للدولة لو تقدروا تعملوا ميكنة كاملة لمصر لكل الأنشطة بتاعتنا علشان نحيد العامل البشري نعمل لو قلت عاوز 100 مليار جنيه هادفع".

وأضاف "دولة زي مصر فيها 100 مليون نسمة، وكتير من الحاجات اللي بتعانوا منها مش هاتبقى موجودة، لو في فساد عاوزين تواجهوه بجد هاتقدروا لأن مش هايبقى في اتصال مباشر بين الموظف والمواطن مادام النظام مميكن".

وتابع "النظام موجود في العالم كله ما ندخلهوش عندنا ليه".

ويتفقد الرئيس السيسي ميناء الإسكندرية البحري للإطلاع على عملية التطوير بمرافقه.

وصرح المتحدث الرسمي باسم رئاسة الجمهورية، السفير بسام راضي، بأن الرئيس عبد الفتاح السيسي، يتفقد ميناء الإسكندرية البحري، ويطلع على عملية التطوير في مرافقه، خاصة المحطة اللوجستية متعددة الأغراض والأرصفة البحرية ومستودعات التخزين الحديثة.