شيكابالا عن إيقافه: «لو قتلت حد في الكرة مش هاخد العقوبة دي»

أكد محمود عبد الرازق شيكابالا، لاعب فريق الزمالك، أن العقوبة التي صدرت ضده بإيقافه 8 أشهر وتغريمه 500 ألف جنيه، غريبة للغاية وغير مبررة.

وأضاف شيكابالا، خلال تصريحات ببرنامج الحكاية على قناة إم بي سي مصر «العقوبة اللي صدرت ضدي غريبة.. أنا لو قتلت حد في الملعب مش هاخد العقوبة دي».

وتابع «إيه اللي أنا قولته علشان أتوقف المدة دي كلها.. قولت له أنت أهلاوي! إيه المشكلة في الكلمة أو العقوبة ضد الكلمة اللي قولتها خصوصًا إن رئيس اتحاد الكرة برأني وقال إني ماعملتش حاجة».

واختتم تصريحاته «أنا هتظلم للفيفا ضد العقوبة اللي صدرت ضدي وهاخد حقي».