شيكابالا عن علاقته بجمهور الأهلي: «ماعنديش مشكلة معاهم.. واللي بعمله رد فعل»

أكد محمود عبدالرازق “شيكابالا”، لاعب فريق الزمالك، عدم وجود أي مشكلة بينه وبين جمهور الأهلي، موضحًا أنه دائمًا ما يكون رد فعل على التجاوزات التي تحدث ضده.

وأضاف شيكابالا، خلال تصريحات ببرنامج “الحكاية” على قناة “إم بي سي مصر”، مع الإعلامي عمرو أديب، مساء السبت، أن علاقته بلاعبي الأهلي مميزة وأصدقاء خارج الملعب، مضيفًا “باركت لموسيماني بعد نهائي إفريقيا.. وكلمني قبل ماتش الدوري قالي مش هتعملها النهارده لتاني مرة وتسجل جول بنفس الطريقة، ودار بيننا حوار لطيف”.

واستكمل تصريحاته “المشكلة مش عندي مع جمهور الأهلي.. المشكلة عند الناس اللي بتدير الكرة في مصر، فيه ناس بتروح المقابر تستهزأ بيا وتروح المقابر وتشيل كلب أسود، اللي بيحصل مني رد فعل”.

وتابع: “أنا سهل الاستفزاز في حقي لأن التجاوزات اللي بتحصل مش عادية.. ودايمًا أنا اللي بتوقف وبتحصل معايا تجاوزات عنصرية ضدي وضد أسرتي”.