أحمد خالد صالح عن والده: « كان بيفكر في الآخرين أكتر من نفسه»

تذكر الفنان أحمد خالد صالح، نصائح والده الفنان الراحل خالد صالح، عندما كان يعلمه السواقة.

ونشر صورة تجمعه بوالده عبر حسابه الشخصي «فيس بوك»، وعلق عليها قائلاً، «أول مرة كان بيعلمني فيها السواقة كنت سايق الـ128 البيضا وماشي بيها وكان فيه حد قدامي سايق عربية كارو فأنا كل شوية بحاول أطلع من يمينه أو شماله».

وأضاف: «فهو راح قالي أهدى واستنى لما هو يمشي فأنا استغربته ليه ما إحنا مستعجلين وعاوزين نمشي فلما تطلع تجري من جمبه هو هيحس بإيه؟ أنت دلوقتي هتجري وتجيب ترابك عليه هو هيفكر في أيه؟ في إن أنت ربنا مديك وهو يا حبيبي راكب كارو.. فهو الله يرحمه كان بيفكر في الآخرين أكتر من نفسه».

ويستعد الفنان أحمد خالد صالح بالتحضير لعدد من المشاريع خلال الفترة المقبلة منها، أفلام «ليلة العيد»، «المحكمة».