دنيا سمير غانم ناعية والدتها: «بقيت يتيمة من غيرك يا أمي»

نعت الفنانة دنيا سمر غانم، والدتها الراحلة الفنانة دلال عبد العزيز، بكلمات مؤثرة عبر موقع التواصل الاجتماعي "إنستجرام".

وكتبت دنيا قائلة: "ماعنديش حاجة أقولها غير إني فعلا بقيت يتيمة من غيرك يا أمي💔 أنت علمتيني الرضا وأنا راضية وعلمتيني أقول على كل حاجة "الحمد لله" وآخر كلمة سمعتها منك قبل ما تمشي في عز عذابك وتعبك كانت "الحمد لله" أنا مش زعلانة لأني عارفة إنك عند ربنا الرحمن الرحيم اللطيف ومع بابي حبيبي لأنكوا خلصتوا رحلتكم ورسالتكم في الدنيا انا بس غصب عني بفضفض عشان أنتوا هتوحشوني أوي".

وتابعت: "بفضفض مع الناس الطيبة اللي دعائهم بيطمني عليكم ويصبرني.. ربنا يرحمكوا ويسعدكوا يا حبايبي يا أغلي الناس".