كشري: لاعبو الإنتاج مقاتلون.. وكنا الأفضل في الدور الثاني بالدوري

تحدث أحمد كشري المدير الفني لنادي الإنتاج الحربي عن التعادل الإيجابي أمام أسوان بهدفين لكل فريق والتي أقيمت مساء أمس ضمن منافسات الجولة 29 للدوري.
وقال كشري في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "وضع الفريق مش كويس ومش أفضل حاجة".
وتابع "في فرق بينا وبين اللي بينافس معانا على الهروب من الهبوط، خطأ غريب في الشوط الأول كلفنا هدف، وفي حاجات تحكيمية بتتحسب لأندية تانية واحنا لا، لكن انا مش هتكلم عن التحكيم".
وأضاف "كمان ضغوطات الوضع الحالي الي احنا فيه في جدول الدوري بيزيد من توتر اللاعبين في المباريات".
وواصل كشري "عملنا مباراة كبيرة لكن موقفنا من أول ما جيت الفريق وهو صعب، الفريق في الدور الأول حصد 10 نقاط فقط".
وأردف "في الدور الثاني قدرنا نكسب المصري وبيراميدز تعادل مع الفريق بصعوبة، الفريق اتحسن كتير، هنقاتل لآخر لحظة رغم ان الفرص مش كبيرة زي باقي الفرق".
وأختتم كشري تصريحاته "اللاعبيه بتحاول ولو كان شكلنا ظهر كده في الدور الأول كان الوضع هيبقى أفضل كتير، معايا لعيبة مقاتلة، مفيش مباراة لعبناها السنة دي غير لو كنا الأفضل في الملعب، وهنقاتل لآخر لحظة".