«حصة مصر من مياه النيل لن تقل».. أبرز تصريحات الرئيس السيسي اليوم

تحدث الرئيس عبدالفتاح السيسي عن حصة مصر من مياه النيل، الزيادة السكنية، والبناء على الأراضي الزراعية، وغيرها من الموضوعات، خلال افتتاحه، اليوم الثلاثاء، مجمع مدينة الصناعات الغذائية “سايلو فودز” بمدينة السادات، في محافظة المنوفية.

حصة مصر من المياه

- حصة مصر من مياه النيل لن تقل، إن شاء الله.

- هناك مشكلة بسبب الزيادة السكانية وتوفير المياه للأجيال المتزايدة.

- إحنا بنعمل كل الإجراءات دي عشان نوفر مياهنا.

تطوير قرى الريف

- ضرورة الحفاظ على ما تبقى من الأراضي الزراعية وعدم الاعتداء عليها.

- تطوير قرى الريف المصرى، ضمن مبادرة "حياة كريمة"، أثارت اندهاش العالم.

- الدنيا كلها بتقول إزاي في حياة كريمة هتخش على نص مصر؟!.

- القضية الموجودة في الريف المصري هي الاعتداء على الأراضى الزراعية.

- تطوير قرى الريف المصري سيكون شاملًا.

- هعمل لك اتصالات جوة القرية زي الشبكات الحديثة اللي موجودة في المدينة.

خطر الزيادة السكانية

- مبقولش للناس متخلفش، لكن من مصلحتنا تنظيم الموضوع ده عشان نعيش حياة كريمة.. إحنا جايين عشان نصلح.. متقلقوش خلونا نشتغل.

- كل ما نكلم حد في النقطة دي يقول الرزق على ربنا.

- إحنا كلنا في مصر عايشين على رزق ربنا لكن لازم نفكر ونتدبر وناخد بأسباب الدنيا.. هل إحنا عايزين عدد ولا جودة.. طفل واحد جيد ولا 4 أطفال بظروف صعبة".

- أنا جاي في الطريق، شايف بناء على أرض زراعية، وده معناه إنه في زيادة سكانية ده في منتهى الخطورة".

- لما نقول من 2010 ما يقرب من 20 مليون إنسان زاد.. محدش بيقول الأسعار بتغلى ليه؟.

- الأسعار بتزيد لأن حجم الطلب بيزيد.. يا ترى الأرض الزراعية بتزيد؟.. دي بلدنا كلنا ومستقبل أولادنا كلنا".

الإجراءات الاحترازية

- ضرورة الالتزام بالإجراءات الوقائية والاحترازية.

- إحنا مش عاوزين التوفيق اللي ربنا وفقه لينا خلال السنتين اللي فاتوا وحتى الآن، يضيع.

- إحنا مش من الدول اللي الجائحة أثرت تأثير كبير عليها، فلازم نستمر في الحرص والحذر عشان نفضل ماشيين بالتوازن اللي ماشيين بيه بين الإجراءات الوقائية والإجراءات الاحترازية، عشان تبقى الأضرار في أقل معدلاتها.