السيسي: «كل ما نكلم حد في الزيادة السكانية يقول الرزق على ربنا»

حذر الرئيس عبد الفتاح السيسي، من خطورة الزيادة السكانية، قائلا: "ساعات بمشي آلاقي أسرة معاها 3 أولاد و4.. ليه؟ هل هاتقدر توفر لهم نظام غذائي صحي ورياضي؟.. الولد هايبقى مشكلة في حياته العامة هل هيكون بسلامة صحية ونفسية".

وتابع الرئيس خلال افتتاح مجمع الصناعات الغذائية سايلور فودز بمدينة السادات، بمحافظة المنوفية، اليوم الثلاثاء، أن "القضية مش أي أكل ومش أي شرب ومش أي رعاية".

وقال: "كل ما نكلم حد في النقطة دي يقول الرزق على ربنا"، مضيفا "إحنا كلنا في مصر عايشين على رزق ربنا، لكن لازم نفكر ونتدبر وناخد بأسباب الدنيا.. هل إحنا عايزين عدد ولا جودة.. طفل واحد جيد ولا 4 أطفال بظروف صعبة".

وأضاف "وأنا جاي في الطريق شايف بناء على أرض زراعية وده معناه إيه معناه إنه في زيادة سكانية ده في منتهى الخطورة".

وتابع "لما نقول من 2010 ما يقرب من 20 مليون إنسان زاد.. محدش بيقول الأسعار بتغلى ليه؟.. الأسعار بتزيد لأن حجم الطلب بيزيد.. يا ترى الأرض الزراعية بتزيد؟.. دي بلدنا كلنا ومستقبل أولادنا كلنا".