4 هرمونات تحدد مستوى السعادة
كشف الدكتور جمال شعبان عميد معهد القلب السابق، عن 4 هرمونات تحدد مستوى السعادة وتستطيع التغلب على الزعل.
وأوضح أن هذه الهرمونات هي:-
1- Endorphins
2- Dopamine
3- Serotonin
4- Oxytocin
وتابع أن هرمون Endorphins، يسمى هورمون الرياضة والضحك، قائلا «لما بنروح الچيم أو نعمل رياضة الجسم بيفرز الهرمون ده عشان يتغلب على إحساس الألم اللي بتسببه التمرينات.. عشان كدة ممكن نحس بمتعة في التمرينات أكتر من الألم».
وأضاف الضحك طريقة جيدة لإفرازEndorphins، مضيفًا: «إحنا محتاجين نقضي على الأقل 30 دقيقة يوميا نعمل رياضة.. نقرأ أو نتفرج على حاجة مضحكة ومسلية عشان نقدر نحصل على جرعتنا اليومية من الاندروفينس»
أما Dopamine هو هورمون الإنجاز والشوبنج، متابعًا: «في رحلة الحياة كل واحد فينا بيحرز أهدافا كثيرة سواء كبيرة أو صغيرة.. شعور الإنجاز ده يزيد من إفراز الدوبامين بنِسَب متفاوتة».
وأوضح شعبان، أنا ثالث نوع هو الـSerotonin وهو هورمون العطاء والشيكولاتة والقهوة أيضا، مضيفًا: «ودة بيجي لما نتصرف بشكل فيه نفع للآخرين.. لما نتجاوز الأنا ونكون قادرين على العطاء للآخرين من البشر أو حتي للطبيعة»
والنوع الرابع والأخير هو الـOxytocin وهو هورمون الحميمية والحب، معلقًا: «ودة بيتم إفرازه لما بنقرب من ناس تانيين بمصافحة أو عناق، أحيانا تتصافح العيون قبل الأيادي لما نحضن حد من أهلنا أو صحابنا.. أثناء المصافحة باليد.. لما نحاوط حد بدراعنا».
