أول تعليق لـ طالب الثانوية العامة المتهم بتسريب امتحان اللغة العربية

عقب عبدالرحمن وحيد، الطالب المتهم بتسريب امتحان اللغة العربية بالثانوية العامة، قائلا: "متهم ظلم، و لا أعرف سبب اتهامي بتسريب الامتحان".

وقال "وحيد"، خلال اتصال هاتفي مع الإعلامية بسمة وهبة ببرنامج "90 دقيقة" المذاع عبر فضائية "المحور"، "كنت لابس ساعة اللى بتجيب نبضات القلب، وخدوا منى التابلت والساعة، وهي إصدار قديم ومن غير كاميرا ومن غير داتا".

وواصل:" مكنش معايا تليفون، لأنه ممنوع التليفونات، ومعنديش فيس بوك على التابلت لأنه مقفول فيه كل حاجة، وكنت فاتح كتاب العربى بي دي إف، ورئيس اللجنة قال لى: الامتحان اتسرب والكود بتاعك في اللى اتسربت، وممكن اللى سرب الامتحان غير الرقم بالفوتوشوب، أو الرقم اتنقل غلط وجه الكود بتاعك، وقال لى: انت متهم بتسريب الامتحان بتصويرها بالساعة أو تسريبها بالإنترنت، وتم تحريز الساعة، وهيحللوا الساعة ".