شيرين تواصل دفاعها عن زوجها: « حسام مبيستغلنيش.. وطلّع من حياتي كل التعابين»
واصلت الفنانة شيرين عبدالوهاب، دفاعها عن زوجها حسام حبيب، وذلك خلال بث صوتي على حسابها الشخصي بموقع تويتر.
وقالت شيرين، إن حسام ليس معه أي توكيلات منها، أو بطاقات بنكية “فيزا” خاصة بها، مؤكدة أن ما يتردد في وسائل التواصل الاجتماعي غير صحيح.
وأضافت شيرين:" كل اللي بيتقال غير صحيح لإني أنا كلي ملكه فيز إيه تكيل إيه جوزي ابن عيلة وعيلة محترمة ومقبلش حد يتكلم عنه كدة لا هو ولا أمه"
وتابعت: “مفيش منه خلاص الناس اللي زيه مش موجودين بقالنا 4 سنين متجوزين لو عاوز يستفيد مني كان عمل حتى غنوة سنجل لنفسه لازم الناس يكون عندها عقل وتشوف.. الراجل صاينني وصاين عيالي”.
وأردفت: “كل الناس بتتخانق وتختلف لكن هو بيحبني أكتر من نفسه.. أنا حاسه أنه بيحبني وربنا عطاني مؤشر وقلب أحس بيه”.
واختتمت شيرين دفاعها عن حسام حبيبت بقولها: "حسام مبيستغلنيش وكفاية أنه طلع من حياتي كل الناس اللي بتستغلني بجد.. طلع من حياتي كل التعابين والحجات الفاسدة".
