بعد خطبتهما.. علي غزلان يغازل ملكة جمال مصر 2017 برسالة رومانسية
أعلن اليوتيوبر علي غزلان، خطوبته على ملكة جمال مصر لعام 2017، فرح شعبان.
ونشر غزلان وخطيبته، صورًا من حفل خطوبتهما، موجهًا رسالة رومانسية لخطيبته عبر صفحته الشخصية بموقع التواصل الاجتماعي (فيس بوك)، قال فيها: "رُبّ قدرٍ يُساق إليّنا خيرٌ من ألفِ حُلم، كل إنسان ليه 24 قيراط في حياته؛ وأنا ربنا رزقني بيهم كلهم فيكي".
وتابع علي غزلان: "من يوم ما شوفتك ما شوفتش غيرك؛ كأن حياتي بدأت من النقطة دي، كل حاجة فيا اتغيرت، ابتديت أشوف كل حاجة بشكل مختلف، إبتديت أعيش بجد، حتى النفس اللي بتنفسه بقى ليه طعم تاني، إزاي ده حصل وامتى وليه ؟!، معنديش تفسير غير إني بحبك، بحبك كأني كنت تايه وفجأة وصلت".
وأضاف غزلان، في رسالته لخطيبته: "أول ما قابلتك حسيت إني أخيرًا في المكان المناسب، كنت بدور على الحب طول السنين اللي فاتت؛ ولما قابلتك اكتشفت إني كنت بدور عليكي أنتي، كنت فاكر إني متأخر، بس معاكي اكتشفت إن كل حاجة بتيجي في وقتها، وإن المعجزة اللي عشت بطلبها من ربنا عشان تغير حياتي كانت (أنتي)".
من جهتها نشرت خطيبة غزلان، صورًا من حفل خطوبتها عبر حسابها الشخصي بموقع "إنستجرام"، وعلقت عليها قائلة: "قالوا زمان تفائلي بالخير تلاقيه؛ ولقيتك".
