الماكيير أحمد الخواجة يوجه رسالة لريهام حجاج: جدعة وبتحب الخير لكل الناس
وجه الماكيير الشهير أحمد الخواجة رسالة خاصة للفنانة ريهام حجاج من خلال خاصية ستوري بموقع التواصل الاجتماعي انستجرام.
وعلق الخواجة على صورة له مع ريهام حجاج قائلا: "أنا عايز أعرفكم مين هي ريهام حجاج عشان ريهام لا بتطلع في برامج ولا بتعمل حوارات صحفية، فما حدش يعرفها غير الناس القريبين اللى زيى".
وتابع :"ريهام حجاج هي ريهام حجاج اللي عرفتها من عشر سنين، وعايز أقول إنها من أطيب وأجدع الناس اللي اتعاملت معاهم قلبها أبيض، وعمرها ما نسيت حد سواء فى وقت الشدة أو الفرح وبشهادة ناس كتير، دايما بتحب شغلها وطول الوقت بتهتم بأدق تفاصيله".
وأضاف :"جدعة وبتحب الخير لكل الناس سواء داخل أو خارج الوسط، الناس اللى بتحارب الشخص الناجح عايز أقولها تخليها فى حياتها وتركز فى حياتها أحسن وياريت كل الناس يحبوا الخير لبعض".
وتشارك ريهام حجاج في سباق الموسم الرمضاني بمسلسل وكل ما نفترق والذي تدور أحداثه حول قصة نور، والتي تقرر عائلة زوجها حسام التخلص منها بعد اكتشاف أسرارهم، ولكن سرعان ما تعود نور للحياة وتبدأ في البحث عن ابنتها المخطوفة والانطلاق في مغامرة بين الماضي والحاضر رفقة شقيقتها زينب.
