سفير التضامن| دعم «تكافل» يساهم في مشروع «صباح».. ويساعد على تفوق ابنتها.. فيديو وصور
الشمس هي عنوان الصبح وأول طلّته بداية جديدة لليوم وأمل بيبدأ مع أول شعاع والشموس في حياتنا ممكن تكون، شمس الأمل، شمس السعي، شمس الكرامة، هكذا روت صباح من محافظة قنا بطلة حلقة النهارده من سفير التضامن».
حيث قالت صباح "أنا ست صعيدية من محافظة قنا مركز الترامسة.. عندي ٣٠ سنة بأخذ الدعم النقدي تكافل من وزارة التضامن الاجتماعي
وبفلوس "تكافل" بصرف منها على بيتي وولادي، وبسببها قدرت أربيهم بصحة كويسة ومحرمهمش من المدرسة لإن الدعم مشروط بالصحة والتعليم".
وأضافت صباح ،"مع الدعم فكرت أكبر رزقي وقرشي يزيد عايزة أنتج وأعمل حاجه مفيدة وأعيش ولادي حياة كريمة ومحرمهمش من حاجة فكرت أعمل حاجة بالفلوس اللي بتجيلي من تكافل بس يا ترى إيه هي وهعملها إزاي ".
"أنا خبازة شاطرة وكل الناس بتشهد للعيش بتاعي هكذا قالت صباح ، فقد بدأت أشتري بالفلوس اللي بتجيلي من "تكافل" دقيق وأخبز بيه عيش شمسي وكان فتحة خير عليا وعلى عيالي، ويوم بعد يوم الطلبات بتزيد ومشروعي بيكبر والمعاش كبر وبقيت أقدر أسدد منه مصاريف مدرسة بنتي، اما بقى بنتي آية فالحمد لله شاطرة أوي في المدرسة ودايما بتطلع الأولى وبتجيب أعلى الدرجات ونفسها تطلع دكتورة ومساعدنا في ده أن البرنامج نفسه بيشترط التعليم ".
وتابعت صباح ،" آيه كمان بتساعدني في مشروعي ،ومش بس هي، ده كل اللي في البيت عشان حسوا إن ده مشروعهم هما وباب رزق واتفتح لهم والحمدلله واللي بسببه أحوالنا كلها اتحسنت وحياتنا بقت أحسن ".
https://www.facebook.com/300230063420035/posts/3682758328500508/?sfnsn=scwspmo
