نوستالجيا | شريهان فنانة عظيمة جداً.. أبرز تصريحات فهمي عبد الحميد مخرج الفوازير

ارتبط اسم المخرج فهمي عبد الحميد الذي توفي سنة 1990 بفوازير رمضان التي نجحت على يديه، مع كبار النجوم، نيللي، وشريهان، وسمير غانم، ومدحت صالح، وغيرهم من نجوم الفن.

ونرصد في السطور التالية أهم تصريحات مخرج فوازير رمضان الأشهر التي يكشف فيها الكثير من الأسرار أثناء عمله ومواقفه مع النجوم. 

- "الفوازير بتاخد وقت طويل في إعدادها. تتكتب وبعدين نقرأها وبعدين نعيد كتابتها.. وبعدين نستوعب وبعدين ربما نعيد تانى وده ممكن يأخذ مننا مدة شهرين".

- "إذا استقرينا على شكل نهائي نكتب أغانيها وده بياخد وقت وكمان التلحين بخلاف التدريبات اللي بتتم للفنانين وتجهيز الملابس والديكور والإضاءة، وبعد كده الجهد المبذول في الاستوديو.. ممكن شغل يومين يطلع خمس دقائق من الحلقة."

- "مع الفنان سمير غانم قعدنا نعمل في خدعة 9 ساعات وتانى يوم قررت حذفها.. على الرغم من إعجاب كل العاملين في العمل بيها لكن حسيت إنها ممكن تزعج الطفل".

- "في حاجات كتير بتتم تحت الكاميرا وقدامها من الخدع زي تغيير فساتين ومكياج وديكور وإضاءة كل ده بيتم فى لحظة واحدة وبياخد مننا شغل ساعات طويلة."

- "كل الفنانين اللي اشتغلوا معايا في الفوازير كانوا ملتزمين جداً وبيحسوا بنفس المسئولية والخوف ده.. وكل واحد فيهم يبقى حاسس إنه لازم يدى للمشاهد أقصى ما عنده، لأن دى مسئولية كبيرة قوى لأنه مش عمل عادى عند المشاهد وبيهتم به.. ولابد من أن يهتم الفنان بالمشاهد."

"- الأستاذ عبدالسلام أمين يكتب أكثر من مرة وبيكتب في الفكرة الواحدة أربع خمس حلقات وهو ثائر دائماً على كل ما يكتبه وعندما يستقر ويقتنع بما كتب بنقعد معاه."

"- المشاهد لما بيعرف الخدعة بتتعمل أزاي بتسقط من نظره.. لكن لما بتفضل مبهمة بالنسبة له بيفضل مبهور بيها."

- "اخترت مدحت صالح للفوازير وقدم مالم يمكن أن يتوقعه أحد منه.. ولما قدمته في ألف ليلة وليلة فصلت تماماً بين مدحت صالح اللي قدم الفوازير وبين ألف ليلة، لأنى كنت عارف أنه دور يليق به فعلاً.. دور فى نوع من الغناء والرومانسية الجميلة وده كان متوافر فيه".

"- شريهان فنانة عظيمة جداً وبحمد ربنا على نجاحنا سوياً..