«أنا هعرف أربيك».. القصة الكاملة لأزمة عمرو أديب ومحمد رمضان

شن الإعلامي عمرو أديب، مقدم برنامج “الحكاية” على فضائية “إم بي سي مصر”، هجوما على الفنان محمد رمضان، وذلك على خلفية رد فعل الأخير على حكم ضده بدفع 6 ملايين جنيه تعويضا للطيار أشرف أبواليسر، بالظهور في صورة وإلقاؤه أموالا في حمام السباحة.

وعلق أديب، خلال البرنامج "الناس مش لاقية فلوس وإنت بترميها حتى لو مزيفة.. اللي فاكرينه موسى طلع فرعون"، مؤكدا أنه كلف محاميه برفع قضية ضد الفنان محمد رمضان لإساءته له وأن التعويضات التي سيحصل عليها من رمضان سيخصصها لأحد المستشفيات.

وتابع: "أي فلوس هخدها من محمد رمضان هوديها لمستشفى الأطفال أبوالريش حتى لو 5 ملايين جنيه"، موجها رسالة قوية لرمضان: "المتربي نعمة.. لو مش متربي في اللي ممكن يربيك".

واستكمل بأن محمد رمضان اعتاد أن يأخذ الحياة بالقوة، وأن لا أحد يستطيع الوقوف أمامه، وتابع: "لو محدش رباك أنا هعرف أربيك، البلد دي فيها قانون يسري على الجميع".

وأضاف: "الإنسان اللي متربي نعمة، وأنت لو مش متربي في اللي يربيك، وفي ناس حظها وحش وأنها تعودت تأخذ الحياة بوشها، وبيحسوا أنهم مسنودين"، متابعا: "معنديش مشكلة اختلف مع حد في أي حاجة لكن لما نوصل لقلة الرباية يبقي القانون هو اللي يحكم".

وتابع: "طلبت من المحامي الخاص بي رفع قضية على الفنان محمد رمضان"، مستدركا: "أنا مش من النوع اللي ياخد حقه بالتجاوز، ويا أنا يا أنت، وهنروح للقاضي هو اللي هيقول، وقلة الأدب لا، ولو محدش رباك يا محمد يا رمضان يبقي أنا اللي هربيك".