المحمدي: أزمة عمرو وردة كان ممكن تحل بشكل أفضل.. وصلاح الأجدر بشارة القيادة

قال أحمد المحمدي الظهير الأيمن لنادي أستون فيلا، إن أزمة اللاعب عمرو وردة خلال بطولة أمم أفريقيا السابقة كان من الممكن أن يتم حلها بشكل أفضل.

وأضاف "المحمدي" في تصريحات لبرنامج "الماتش" الذي يقدمه الإعلامي هاني حتحوت عبر شاشة "صدى البلد"، "مساندتي لعمرو وردة كانت في مرحلة وعدت، معتقدش إن ده يكون سبب في دماغ المدير الفني إني أبقى مستبعد من المنتخب".

وأوضح: "حسام البدري هو اللي يقدر يجاوب إذا كان ده سبب ولا لا، لكن لما تيجي تبص للمشكلة دلوقتي كان ممكن تتحل بشكل أفضل بس الواحد بيتعلم بقراراته ويكون في حل أفضل، تعاملي مع عمرو وردة عادي من فترة لفترة".

وتابع: "لو أنا هختار كابتن منتخب مصر، محمد صلاح الأجدر، خبرات وضغوطات كبيرة بيتعرض ليها، عارف ازاي يتعامل مع المواقف المختلفة وهو الأنسب من بين العناصر الحالية".